اسپیشل ذائقہ دار ہوم میڈ چاٹ مصالحے بنانے کی ترکیب

چاٹ مصالحہ پکوڑے، سموسے، رول، چپس وغیرہ پر چھڑک کر کھانے سے ان کے ذائقہ میں مزید اضافہ ہوتا ہے۔ اس کے علاوہ چاٹ مصالحہ چنا چاٹ، دہی بڑے اور فروٹ کے ساتھ بھی بطور لوازمات استعمال کیا جاتا ہے۔ یہاں مختلف قسم کے چاٹ مصالحے بنانے کی ترکیب بتائی جارہی ہے۔ یہ مصالحے آپ گھر پر باآسانی تیار کر سکتی ہیں۔ جن سے آپ کے دسترخوان لہ رومق میں مزید اضافہ ہوگا۔ جانتے ہیں اسپیشل ذائقہ دار ہوم میڈ چاٹ مصالے بنانے کا طریقہ۔

  

اسپیشل چاٹ مصالحہ کے اجزاء

ثابت لال مرچ  سو گرام

ثابت سفید زیرہ تین کھانے کے چمچے

کالا زیرہ ایک کھانے کا چمچ

چھوٹی الائچی کے دانے ایک کھانے کا چمچہ

ثابت دھنیا ایک کھانے کا چمچہ

سونٹھ پسا ہوا ایک کھانے کا چمچہ

ثابت کالی مرچ ایک چائے کا چمچہ

دارچینی پاؤڈر آدھا چائے کا چمچہ

اجوائن ایک چائے کا چمچہ

ٹاٹری دو کھانے کے چمچے

کالا نمک ایک چائے کا چمچہ

نمک ایک کھانے کا چمچہ

اسپیشل چاٹ مصالحہ بنانے کا طریقہ

سب سے پہلے ایک توے یا پین پر ٹاٹری، نمک اور کالا نمک کے علاوہ تمام اجزاء کو بھون لیں۔ اب تمام بھنے ہوئے مصالحوں کو مصالحہ پیسنے والے بلینڈر میں ڈال کر پیس لیں۔ پھر اس میں ٹاٹری، کالا نمک، اور نمک بھی شامل کر کے اچھی طرح سے مکس کر لیں۔ گلدارو اسپیشل چاٹ مصالحہ تیار ہے۔

چاٹ مصالحہ کے اجزاء

سونف پچاس گرام

زیرہ پچاس گرام

ثابت دھنیا پچاس گرام

ثابت لال مرچ پچاس گرام

کالا نمک پچاس گرام

ٹاٹری ایک چائے کا چمچہ

اجوائن ایک کھانے کا چمچہ

کالی مرچ ایک کھانے کا چمچہ

نوشادر آدھا چائے کا چمچہ

ہینگ آدھا چائے کا چمچہ

پودینہ آدھا چائے کا چمچہ

چاٹ مصالحہ بنانے کا طریقہ

گرائینڈ میں سونف، زیرہ، ثابت دھنیا، ثابت لال مرچ، کالا نمک، ٹاٹری، اجوائن، کالی مرچ، نوشادر، ہینگ اور پودینہ ڈال کر اچھی طرح پیس لیں۔ مزیدار چاٹ مصالحہ تیار ہے۔

ہوم میڈ چاٹ مصالحہ کے اجزاء

ثابت لال مرچ پندرہ عدد

دارچینی دو انچ کا ٹکڑا

زیرہ دو کھانے کے چمچے

اجوائن آدھا چائے کا چمچہ

دھنیا دو کھانے کے چمچے

ثابت کالی مرچ ایک کھانے کا چمچہ

کالا نمک ایک کھانے کا چمچہ

جنجر پاؤڈر ایک چائے کا چمچہ

نمک ایک چائے کا چمچہ

کھٹائی پاؤڈر ایک کھانے کا چمچہ

لیمن سالٹ ایک چائے کا چمچہ

ہوم میڈ چاٹ مصالحہ بنانے کا طریقہ

پہلے فرائنگ پین میں ثابت لال مرچ، دارچینی، زیرہ، اجوائن، دھنیا اور ثابت کالی مرچ کو الگ الگ بھون لیں۔ اب انہیں ٹھنڈا کر کے باریک پیس لیں۔ پھر مصالحوں کو کالا نمک، جنجر پاؤڈر، نمک کھٹائی پاؤڈر اور لیمن سالٹ کے ساتھ مکس کر کے بوتل میں بھر لیں۔ ذائقہ دار ہوم میڈ چاٹ مصالحہ تیار ہے۔