سر درد کا علاج - Sar Dard Ka Ilaj

نزلے زکام کی وجہ سے بلغم گاڑھا ہو کر دماغ میں جم جاتا ہے جس کے سبب سر کے سامنے والے حصے اور کن پٹیوں میں درد ہونے لگتا ہے، اس درد کو سر درد کہا جاتا ہے، یہاں آپ کو سر درد کے لئے چند انتہائی مفید اور آسان علاج بتانے جارہے ہیں۔ جن کی مدد سے آپ اپنے سر درد کا فوری علاج کرسکتے ہیں۔

سر درد پٹھوں اور دماغی کمزوری سے بھی ہوتا ہے جس کی وجہ سے نیند بھی کم آتی ہے۔ دماغی طاقت کو بڑھانے والی ادویہ اور پٹھوں کو مالش کرنے سے سر درد میں کمی آتی ہے۔

بعض اوقات سر درد پیشانی اور گدی میں ہوتا ہے جس سے سر بوجھل اور آنکھیں سرخ ہونے لگتی ہیں۔ کبھی کبھی کن پٹی میں خون کی شریانیں زیادہ دباؤ کی وجہ سے پھڑکنے لگتی ہیں۔ ایسا عموماً قبض اور گیس ہوجانے سے محسوس ہوتا ہے قبض دور ہونے سے مریض کو افاقہ ہوجاتا ہے۔