مٹن سندھی بریانی بنانے کا طریقہ

Mutton Sindhi Recipe Urdu

جی جناب کیا آپ تیار ہیں مزے سے بھرپور ڈش بنانے کے لئے کیونکہ آج ہم بنائیگے خوش ذائقہ مٹن سندھی بریانی، کیا آپ تیار ہیں مٹن سندھی بریانی بنانے کا طریقہ جاننے کے لئے، تو پھر دیر کس بات کی شروع کرتے ہیں نیچے وہ اجزاء بتائے جارہے ہیں جو مٹن سندھی بریانی بنانے میں استعمال ہونگے۔

مٹن سندھی بریانی کے اجزاء

مٹن کا گوشت ایک کلو

چاول ایک کلو

تیل 2 کھانے کے چمچ

نمک حسب ذائقہ

پسا ہوا گرم مصالحہ 2 کھانے کے چمچ

آلو بخارے 3 عدد

دار چینی 3 ٹکڑے

دہی ایک کپ

الائچی 4 عدد

پسی ہوئی لال مرچ ڈیڑھ کھانے کا چمچ

ہلدی ایک چمچ

جائفل جاوتری ایک چمچ

ادرک لہسن پسا ہوا ڈیڑھ چمچ

لونگ 5 عدد

پیاز کٹی ہوئی آدھا کپ

دیگچی میں آئل ڈال کر گرم کر لیں۔ اس میں پیاز ڈال کر ہلکی سنہری کر لیں۔ پھر اس میں ادرک لہسن اور گوشت ڈال کر بھونیں پھر اس میں سارے مصالحے ڈال کر اور پانی ڈال کر گوشت کو گلنے دیں۔ دوسری دیگچی میں چاولوں کو ایک کنی ابال کر رکھ دیں۔ جو گوشت گل جائے تو چاولوں میں تہ لگا کر دم پر رکھ دیں۔ کچھ ہی دیر میں مزے سے پھرپور مٹن سندھی بریانی تیار ہو جائے گی۔ اچھے طریقے سے کسی ڈش میں سجا کر پیش کریں۔